星座恩物对对碰

　　想趋吉避凶其实唔洗买旧水晶摆系屋企o既，只要你识拣幸运物就一样可以增加运势，今次就等卜卜星同你分析下你身边边件小玩意会系你既幸运恩物啦！

白羊座
　　白羊同皮革商品都几夹，所以佢地出亲街都会带到成身袋同包，例如银包、碎银包、锁匙包、卡片盒、梳妆袋和眼镜袋等等。带咁多野出街其实都几鬼重，总之记住带得越少轻松越多啦！

金牛座
　　小型o既金属饰物系金牛o既最佳恩物，例如锁匙扣同拉炼扣依类物件将会是你o既幸运物。不过如果你想藉小饰物来加强爱情运的话，佩带一些小襟章会对你有利的。

双子座
　　双子爱好简洁整齐，佢地唔多钟意放咁多小摆设系书台上，总之简简单单就最o岩佢地，实用又唔会占好多空间o既书签就最适合佢地啦。

巨蟹座
　　巨蟹系另一个好钟意小饰物o既星座，佢地会放一些塑胶公仔或者模型来布置环境。唔好以为咁多饰物会令佢地无心恋战，事实刚好相反，因为佢地需要一个令其称心满意的环境才可以令佢地保持状态和战意。

狮子座
　　狮子的幸运物都几原始同古老。因为其恩物系平安符，不过近年兴一些自制的平安符或护身符，如果你带住o既系温暖牌，当然就唔单止为你带来幸运咁简单啦！

处女座
　　处女方面，吊饰同挂墙o既小摆设最能令其心动，佢地好多时一见到依类饰物就会买返屋企，咁搞法好快就会搞到成屋都系。就算佢助你带来好运，但系都唔洗买咁多喎！

天秤座
　　天秤随身携带的饰物不多，通常一件起两件止，佢地系依方面都几长情o架，因为跟得佢地身o既饰物都唔会点换，而且更可能系由细跟到大添。

天蝎座
　　天蝎的小摆设零舍多，不论系屋企定系Office都放满各种小摆设。依D小玩意对于他们来说可谓相当重要，因为佢地一有乜唔开心就会望住D公仔o黎消除烦恼。

射手座
　　射手座冇乜特定钟意o既饰物，佢地o既饰物会随佢地o既心情而五时花六时变。而在云云饰物当中，细细个o既布公仔会系最吸引佢地o既饰物，想买份小礼物送给射手的话就识做啦！

摩羯座
　　摩羯主要o既小玩意都系饰物居多，由于佢地都几有潮流触觉，所以依家最兴o既饰物好容易就可以系佢地身上揾到，而同佢地最衬o既就系近期大热o既皮制手带。

水瓶座
　　把口成日话唔太喜好小玩意o既水瓶，其实都不知几鬼钟意，尤其系人家送o既小玩意佢地更会爱不惜手。开信刀同打火机可以话系男性水瓶o既至爱，而项炼就同水瓶o既女仔最夹。

双鱼座
　　双鱼比较适合轻巧的小饰物，当中电话绳可以话系双鱼o既恩物，最好拣些有公仔同颜色比较鲜艳的电话绳。因为它会令你增添不少朝气和活力。